Според новото истражување на туристичката агенција „ТравелСупермаркет“ (TravelSupermarket), кое ги разгледуваше цените за три ноќевања со летови, Милано се наметна како најприфатлива дестинација за краток одмор оваа година.

Италијанската модна престолнина Милано е на првото место на списокот на најевтините викенд дестинации во светот со летови и сместување кои чинат 250 фунти по лице (околу 290 евра). Овој податок ги изненади дури и експертите, пренесува „Дејли мејл“.

На остатокот од списокот доминира Источна Европам – Прага го зазема второто место со цена од 286 фунти, Краков е на третото место со цена од 299 фунти, а Будимпешта е на четвртото место по цена од 325 фунти. Интересно, Рејкјавик излезе „изненадувачки достапен“ на петтото место со цена од  334 фунти.

На топ 10 листата на најевтини дестинации се и Даблин – 359 фунти, Берлин – 360 фунти, Палма де Мајорка – 395 фунти, Атина – 395 фунти и Порто – 397 фунти.

На другиот крај од скалата е Њујорк, каде ви требаат дури 969 фунти за викенд, додека Дубровник е најскапата дестинација за краток одмор во Европа – се проценува дека чини 520 фунти за три ноќевања со летови.

Во продолжение погледнете ги двете листи.

Најевтини дестинации:

1. Милано (250 фунти)
2. Прага (286 фунти)
3. Краков (299 фунти)
4. Будимпешта (325 фунти)
5. Рејкјавик (334 фунти)
6. Даблин (359 фунти)
7. Берлин (360 фунти)
8. Палма де Мајорка (395 фунти)
9. Атина (395 фунти)
10. Порто (397 фунти)

Најскапи дестинации:

1. Њујорк (969 фунти)
2. Дубровник (520 фунти)
3. Венеција (460 фунти)
4. Рим (423 фунти)
5. Севиља (419 фунти)
6. Лисабон (412 фунти)
7. Маракеш (406 фунти)
8. Париз (405 фунти)
9. Амстердам (403 фунти)
10. Барселона (401 фунти)