Ренато Санчез летово ќе направи трансфер во редовите на ПСЖ, пренесува новинарот Фабрицио Романо на својот Твитер профил. Лил ја послуша желбата на португалскиот репрезентативец чиј трансфер во францускиот шампион ќе вреди 15 милиони евра. Личните услови се договорени одамна, а лекарските прегледи на играчот се закажани во Париз.

Претходно за Португалецот интерес покажа и италијанскиот првак Милан кој за најдобриот млад играч на Европа за 2016 година нудеше 16 милиони евра.

Истата година со португалската репрезентација успеа да биде европски шампион, а потоа во Баерн се пресели за 35 милиони евра, но не се снајде најдобро во баварскиот гигант. Не помогна ни позајмицата во Свонси, но во Лил веруваат дека и натаму време Санчес да се врати во правата форма.

Новиот тренер на ПСЖ, Кристоф Галтие одлично го познава од периодот кој го помина во Лил, па неговиот повик придонесе да се пресели во Париз. Според информациите на „Лекип“, конечниот договор меѓу двата клуба бил постигнат во вторник нешто пред полноќ.

Колкава минутажа ќе има 25-годишниот Португалец наскоро ќе видиме во својот нов клуб, но неговиот ангажман навестува скорешно заминување на барем еден од тројцата централни играчи од средниот ред – Вајналдум (го бара Рома), Паредес (Јувентус) или Геје (Евертон).

Renato Sanches to PSG, here we go! Full agreement reached for €15m fee after deal at final stages yesterday night. Medical tests scheduled for Renato in Paris ??? #PSG

Personal terms agreed long time ago – so Luís Campos signs the player he wanted since day 1. pic.twitter.com/EgQbsV8zap

— Fabrizio Romano (@FabrizioRomano) August 3, 2022