Екипата на Гостивар е првиот полуфиналист во годинешниот Ф8 во Купот на Македонија кој се игра во Гевгелија.

Во четвртфиналето гостиварци приредија изненадување и славеа над ТФТ со резултат 62:72.

Првата четвртина од натпреварот донесе израмнета игра, а за нијанса беа подобри кошаркарите на Гостивар, па обезбедија предност од еден поен разлика (18:17). Во вториот период гледавме слична слика на теренот и Гостивар ја задржа предноста од еден поен разлика на паузата (33:32).

Разликата избраниците на тренерот Малинков ја направија во третата четвртина по која водеа со двеоцифрена разлика (52:42). Таа предност не дозволија да ја испуштат и во последниот период, па славеа победа со 62:72.

Најефикасни беа Грушановиќ и Комагум со по 15 поени, додека кај поразените 19 уфрли Дарин Говенс.