Фудбалскиот клуб Вардар ја известува јавноста дека Горазд Михајлов од денеска е нов шеф на стручниот штаб на тимот.

Скопските „црвено-црни“ му посакаа среќа и успешна соработка на Михајлов со најтрофејниот клуб во Македонија.

Доаѓа како наследник на Александар Васоски кој пак изминатиот период беше промовиран како нов тренер на ФК Силекс.

Направена е рокада на тренерската позиција, бидејќи токму од кратовскиот клуб во Скопје доаѓа Михајлов.

Михајлов ќе има за задача да обезбеди опстанок со Вардар во Првата македонска лига каде моментно екипата е на последното 12 место.

Во изминатиот период ФК Вардар објави дека тимот го напушти бразилскиот фудбалер Лелис Фигуередо Педрињо.