Горан Бреговиќ во новото интервју, меѓу другото, зборуваше и за ќерките Ема, Уна и Лулу кои ги доби со сопругата Џенана Суџук со која е во брак повеќе од три децении.

Ема е скулптор, а Уна се занимава мода. Музичарот верува дека само неговата најмлада ќерка Лулу студира „нормален“ факултет.

“Едната заврши уметничка академија во Нант, како и магистерски студии. Се занимава со метал. Прави метални скулптури. Тоа не е баш за девојки. Другата студираше моден дизајн. Мислам дека ѝ се здосади да студира, сака да почне да работи нешто. Само најмладата студира нормален факултет – психологија, но таа прави и нокти, таа е ‘неил артист’“, изјави тој за „Ин Магазин“.

Бракот на Бреговиќ со Џенана Суџук се смета за еден од најдолготрајните на естрадата.

Моментално е на турнеја со „Бијело дугме“, прославувајќи половина век постоење, со групата со која ја почна неговата кариера.

„На 17 години свирев во стриптиз бар, на 18 веќе бев во Италија и снимав во бар, а потоа мајка ми дојде и ме однесе дома бидејќи имав проблеми со дрогата. Потоа студирав 4 години и ѝ ветив на мајка ми дека нема да свирам бидејќи тоа е поврзано со дрога. Кога почнав да одам на училиште, требаше да им предавам филозофија на децата во средно училиште, и тогаш го направив првиот албум на ‘Бијело дугме’“, изјавил Бреговиќ.