Како што информираат од ракометниот клуб Тинекс Пролет, нивниот играч Петар Ангелов е позитивен на ковид-19. Поранешниот македонски репрезентативец не беше во тренажен процес во последниот период поради болки во коленото.

Но, по појавата на првите симптоми „Диви“ беше тестиран, по што денеска доби позитивен резултат на ковид-19.

43-годишниот голман не беше во контакт со соиграчите во последните денови, воедно Тинекс Пролет ги презема сите неопходни чекори, а тренажниот процес на првата екипа е прекинат.

За следната седмица е закажано колективно тестирање на сите членови на оваа екипа и на стручниот штаб.

– Му посакуваме на нашиот чувар на мрежата што побрзо оздравување и враќање на терените – соопштуваат од РК Тинекс Пролет.