Пројковска ќе биде главен судија на завршаната битка за трофејот на Европското првенство за девојки до 19 години кое се одржува во Шкотска.

Ќе и помагаат асистентките Каролин Каливоја од Естонија и Александра Теодора Апосту од Романија, а четврти судија е Зузана Валентона од Словачка.

Дуелот ќе се игра на 28 јули (недела) со почеток од 17.00 часот на „Ст Мирен Парк“.

Добивајќи ја довербата на УЕФА да биде главен судија на финалето, Пројковска го заработи најголемото признание во нејзината судиска кариера.

Претходно беше дел од завршницата на континенталните собири во Исланд и Словачка. Најдобрата македонска судијка Ивана Пројковска e во првата категорија на судии во УЕФА.