Германската полиција денеска изврши претрес на десетици објекти на западот и северот од земјата и уапси десет лица осомничени за перење пари и финансирање тероризам. Во акцијата, која се уште трае, според полициското соопштение, учествуваат повеќе од 1.000 полицајци, вклучително и припадници на специјалните единици.

Акцијата била спроведена по наредба на државното обвинителство во Диселдорф, која спроведува истрага против припадниците на т.н. мрежата „хавала“ преку која пренесувале пари од Западна Европа, претежно од Германија и Холандија, на сметки во Сирија и Турција, пренесува ВДР.

Ваквите плаќања се дозволени во Германија само преку контролирани банкарски мрежи, кои во т.н. мрежа хавала, не е случај. Трансферот на пари во главно потекнувал од криминалните активности како што е шверцот на дрога, а се купувале големи количини злато во Германија и се прошверцувале во Турција и Сирија, каде и се продавале.

Најголем дел од парите биле искористени за збогатување на поединци

Преносот на материјалот се вршел и преку купување камиони во западна Европа, кои потоа се продавале со профит во Турција и на Блискиот Исток. Како резултат на тоа, денешното пребарување се фокусирало и на неколку бродски компании на северот и западот на Германија.

Властите ја откриле мрежата случајно минатата година за време на сообраќајната контрола, при што пронашле непријавени 300.000 евра во багажникот на еден Сириец и еден Германец.

И двајцата биле обвинети за помагање на војниците на Исламска држава во Сирија, а подоцна и за членови на екстремистичката група Ал Нусра со перење пари. Но, повеќето од перените пари, според ВДР, биле искористени за приватно збогатување на поединци, а не за финансирање на терористички групи.