Англиските медиуми пишуваат дека Пеп Гвардиола подготвува револуција во Манчестер сити за следната сезона. Осум првотимци би можеле да го напуштат клубот на крајот на сезоната. По тешкиот пораз од Реал Мадрид и елиминацијата од Лигата на шампионите, Манчестер сити веќе почнува да размислува за иднината.

Со приближувањето на следниот преоден рок, Сити ќе има 10 фудбалери на возраст од 30 или повеќе години, вклучувајќи го и Џек Грилиш, кој ќе ја достигне таа возраст во септември. Токму овие играчи мора да преземат иницијатива.

Се очекува да си заминат неколку играчи, меѓу кои Кевин де Брујне, Бернардо Силва, Џон Стоунс, Матео Ковачиќ, Илкај Гундоган и Едерсон. Покрај нив, можно е и заминување на Џек Грилиш, кој не ја оправда рекордната инвестиција од 100 милиони евра. Тешко дека Кајл Вокер, кој е на позајмица во Милан, ќе се врати во клубот.

Менаџерот на „граѓаните“, Пеп Гвардиола планира да им даде поголема минутажа на засилувањата кои пристигнаа во јануари, како Нико Гонзалес, Абдукодир Хусанов, Омар Мармус и Витор Реис. Клубот исто така постигна договор со Ленс вреден 15 милиони евра за дефанзивецот Абдулаје Џума Ба и го очекува доаѓањето на играчот од средниот ред на Ривер Плата, Клаудија Ечеверија.

На радарот на тренерот се и Флоријан Вирц, кој се истакнува во Леверкузен и Андреа Камбијасо, дефанзивецот на Јувентус.