Новиот извештај за фаталното пукање на сетот на филмот „Rust“ се чини дека фрла сомнеж во извештаите за настаните на холивудскиот актер и продуцент Алек Болдвин.

Алек Болдвин (65) случајно ја застрела камерманката Халина Хачинс на сетот на филмот „Rust“ во 2021 година. Пристигна нов извештај кој ја остава неизвесна судбината на актерот, пишува Би-би-си.

Додека Алек негира дека го повлекол чкрапалото од пиштолот со кој потоа ја застрела Халина, експертите за оружје сега велат дека чкрапалото „морало да биде повлечено“.

Новиот извештај, кој го напишаа експертите за оружје Лусиен Хаг и Мајк Хаг, е доставен до обвинителите во Ново Мексико во вторникот, пишува „Дејли мејл“.

– Иако Алек Болдвин постојано негира дека го повлекол чкрапалото, имајќи ги предвид тестовите, наодите и набљудувањата пријавени овде, чкрапалото морало да биде повлечено или притиснато доволно за да го ослободи целосно набиениот или повлечен чекан на доказниот револвер – стои во извештајот за оружје кој е вклучен во судските документи.

Да потсетиме, Болдвин ја застрела Хачинс со реквизит на филмскиот сет, а во инцидентот беше ранет и режисерот Џоел Соуза. На снимањето на филмот, Болдвин вежбал сцена со револвер и испукал вистински куршум во камерманката, кој бил фатален за неа.

Болдвин ја негираше одговорноста за убиството, рече дека пиштолот не бил наполнет и дека никогаш не го повлекол чкрапалото. Тој исто така рече дека Гутиерез-Рид и другите експерти за оружје требало да се погрижат да нема куршуми во него.

Сè уште не е јасно дали наодите од новиот извештај ќе резултираат со повторно покренување обвинение против Алек Болдвин.

Да потсетиме, првиот асистент на режисерот на филмот „Rust“, Дејв Холс (63), во март беше осуден на шест месеци условна казна по спогодба за признавање вина. Тоа беше прва пресуда во тој случај, а беше изречена за несовесна употреба на огнено оружје. Токму Холс, на 21 октомври 2021 година, му го дал на Алек Болдвин пиштолот што требало да биде наполнет со лажни куршуми.

Специјалната обвинителка се повлече од случајот за фаталното пукање на Болдвин

Повлечено обвинението против Алек Болдвин: Дали актерот се спаси од максимална казна затвор?

ФОТО | Човекот кој на Болдвин му го даде пиштолот и порано имал слични инциденти – пиштолот „случајно“ пукал