Пејачката Гоца Тржан и актерот Радомир Новаковиќ – Раша се во идиличен брак речиси една деценија и важат за еден од најубавите парови на српската сцена.

Тржан е позната по својата искреност, особено кога зборува за приватниот живот и нејзиниот однос со сопругот.  Сега таа проговори за тоа дека Раша, кој е 14 години помлад од неа, истрпел многу во нивниот брак, првично заради товарот што таа го носела со себе во врската.

„Мажот што ќе се впушти во брак со повозрасна жена којашто има дете е повеќе од храбар маж. Зошто?

Затоа што во тој брак не го носиш само детето, туку го носиш и поранешниот сопруг и поранешната свекрва и поранешното семејство, а јас како Гоца Тржан, не го донесов само тоа, туку и медиумските будалаштини“, рече пејачката.

Таа отворено раскажа како изгледа нивниот брак и на што се должи нивната хармонија.

„Тој човек очигледно ме сака толку многу, толку многу ми е посветен и толку многу заслужува да му ги измијам нозете кога ќе си дојде дома. Не му ги мијам нозете, но му ги масирам стапалата, понекогаш кога е уморен“, вели Тржан.