Започнатa е глобалнa потрага за да се најде еден од најпознатите светски инструменти – оригиналната бас гитара Хофнер на Пол Макартни.

Проектот „Изгубениот бас“ (Lost Bass) апелира за информации за она што го опишува како „најважната бас гитара во историјата“, пишува „Би-би-си“ (BBC).

Макартни го купил инструментот за 30 фунти (38 долари) во Хамбург, Германија, во 1961 година, но тој исчезнал осум години подоцна.

Потрагата започна откако Макартни ги повика производителите „Хофнер“ да го најдат неговиот сакан инструмент.

Басот се појавува во музиката на Битлси од тие години, вклучувајќи ги хитовите „Love Me Do“ и „She Loves You“.

Ник Вас го предводи проектот за потрагата по познатиот Хофнер и ги здружи силите со двајца новинари во обидот да ја реши „најголемата мистерија во историјата на рокенролот“.

Тој соработуваше интензивно со Мекартни и напиша книга за исчезнатиот Хофнер 500/1 виолина бас.

Ник Вас за „Би-би-си“ (BBC) изјави дека славниот Битл го прашал за гитарата за време на неодамнешниот разговор – и така започнала кампањата за нејзино пронаоѓање.

„Не е јасно што се случи со инструментот, кој беше отфрлен веројатно откако Битлси го завршија снимањето на „Get Back“ во 1969 година“, рече тој.

„Не е јасно каде бил складиран, кој можеби бил таму. Повеќето луѓе ќе го паметат како басот кој што ги создаде Битлси“, рече Вас.

Сопружниците Скот и Наоми Џонс, кои и двајцата работеле за „Би-би-си Њуз“, помагаат во потрагата.