Maкедонската најдобра тенисерка Лина Ѓорческа беше запрена во осминафиналето на турнирот во Копер каде што беше поразена од Дебора Кјеза во два сета.

Двата сета Италијанката ги доби со по 6:4. Уште на стартот на мечот Кјеза имаше прилика за брејк, но не ја искористи. Сепак, тоа го направи во деветтиот гем, а потоа и го „потврди“ брејко за 6:4.

Не и одеше најдобро сервисот на Ѓорческа и во вториот сет и Италијанката тоа го искористи за со два брејка да поведе со 5:2. Ѓорческа успеа да врати еден брејк, меѓутоа за повеќе од тоа немаше сили.

За Ѓорческа ова е втор пораз од истата тенисерка претходно беше поразена и на турнирот во Кипар.