Вечерва во паркот во Ѓорче Петров, започнува тридневната манифестација „Октоберфест“, како еден од настаните со кој се одбележува денот на Општината.

Градоначалникот Александар Стојкоски на Фејсбук објави дека сѐ е подготвено за настанот кој започнува во 18 часот и ги повика граѓаните да  дојдат на заедничка дружба.

Ќе уживаме во добра музика, добра храна, одлично расположение, сите заедно ѓорчепетровци, а поканети се и многу гости од страна. Во четврток се дружиме со „Контраплан“, „Куку леле“ и Александар Јорданов, во петок продолжуваме со Дани Дан, „Пауза за ракија“ и Дани Димитровска, а во сабота на завршната вечер ги имаме „Акустик солушн“, Огнен Здравковски и „Два бона“ – информира градоначалникот.

Граѓаните во коментари на објавата прашуваат зошто е избрано ова име на манифестацијата, која се одржува од 18 до 20 септември. И навистина, зошто?