Новак Ѓоковиќ врза две победи по ред и денес во три сета го совлада бугарскиот тенисер Григор Димитров со 6:3, 4:6 и 6:1 за пласман во осминафиналето на турнирот во Рим.

Во првото коло Томас Ечвери го помачи Ѓоковиќ, а и денес Димитров не се предаде без борба, па затоа победникот се решаваше во третиот сет во кој Ѓоковиќ го покажа својот квалитет и издоминира.

Бугарниот попушти во тие моменти и Ѓоковиќ му дозволи да освои само еден гем. Најлошиот период на Ѓоковиќ беше во вториот сет кога од водство 4:2 му дозволи на Димитров да освои 12 поени по ред и да го однесе мечот во трет сет.

Во осминафиналето Ѓоковиќ ќе игра против подобриот од мечот помеѓу Камерон Нори и Мартон Фучович.