Новак Ѓоковиќ беше на чекор до освојување на 100 титула во својата кариера, но во финалето на Мастерсот 1000 во Шангај беше поразен од Италијанецот Јаник Синер со 2:0.

По поразот во финалето, Ноле одржа прес-конференција и го анализираше својот настап на турнирот:

– Мислам дека има некои позитивни работи што можам да ги извлечам. Прво, моето ниво на тенис беше навистина добро на овој турнир, веројатно најдоброто од Олимпијадата во однос на тоа како се чувствував, како играв, како се борев. Денеска направив сѐ што можев, тој заслужи да победи. Беше премногу силен во важните моменти. Исто така, мислам дека одиграв прилично добро денес во финалето, што ми дава причина да верувам дека сè уште можам да играм против овие момци, кои се најдобри во светот. Се надевам дека ќе го задржам тоа ниво во наредните месеци и во иднина.

Потоа тој зборуваше подетално за самиот дуел:

– Тоа се типовите на мечеви и предизвици кон кои тежнеам, да можам да бидам во позиција да играм против најдобрите во светот на најголемите сцени. Ова е она за што работам и зошто сè уште се туркам до моите граници. Не знам што ќе донесе иднината, само ќе се обидам да се адаптирам. Сѐ уште планирам да се натпреварувам и да играм следната сезона, ќе видиме до каде ќе одам – додаде тој.

Ноле го пофали и Синер: „Тој ме потсетува на мене во текот на мојата кариера“. Српскиот тенисер се осврна на својот настап оваа сезона:

– Што се однесува до резултатите, ова беше една од најлошите сезони. Во одреден момент мораше да има година кога не освоив ниту еден грен слем и не можев да го задржам тоа високо ниво после толку години. И тоа е во ред, среќен сум со мојот златен медал на Олимпијадата, тоа беше мојата главна цел оваа година. Секако дека би сакал да освојам Грен слем, но тоа е во ред, тоа е тоа. Тоа е една од оние сезони која мора да ја прифатите, а јас сум повеќе од среќен со сето она што го постигнав во кариерата – се зборовите на Ѓоковиќ.