Новак Ѓоковиќ и Карлос Алкараз моментално се на одмор, а битката за трофеи и првото место ќе продолжат во Австралија. Ако зборуваме за официјални мечеви – со оглед на тоа што српскиот и шпанскиот ас ќе се сретнат и пред Нова година, и тоа во Саудиска Арабија.

Новак и Карлос ќе бидат дел од егзибицискиот спектакл во Ријад, кој е на програмата на стадионот со капацитет од 40.000 седишта. Овој настан е закажан за 26 и 27 декември, а покрај нив ќе настапат и Арина Сабаленка и Онс Жабер.

Кога станува збор за вакви настани, јасно е дека се работи пред сè за финансиите, а многумина се прашуваат колку ќе заработат учесниците. Пред многу години, хонорарот на Рожер Федерер за еден таков настап беше повеќе од милион долари, па тешко е да се претпостави дека Новак и Карлос ќе добијат помалку од тоа.

Novak Djokovic vs Carlos Alcaraz in Saudi Arabia – when it is, what can we expect, how much are they getting paid?#Djokovic #Alcaraz @RiyadhSeason

FULL STORY: https://t.co/Fv1Tu92Tblhttps://t.co/Fv1Tu92Tbl

— Tennis365 (@tennis365com) December 6, 2023

Саудиска Арабија сè повеќе вложува во тенисот, домаќин е на завршниот турнир на „Следната генерација“, а наскоро се очекува да ја добие и организацијата на завршното ВТА натпреварување.

Многумина од тенискиот свет, како Мартина Навратилова и Крис Еверт, ги критикуваат ваквите настани, но факт е дека спортот тргна во оваа насока. Фудбалот, Формула 1, голфот и боксот веќе во голема мера го прифатија приливот на пари од овие краишта, но она на што треба да се работи е обидот да се избегне губење на „душата“ на спортот.

Инаку, Ѓоковиќ новата сезона ќе ја започне во Купот на Јунајтед (29 декември – 7 јануари), додека Алкараз нема да игра ниту еден турнир пред Австралија опен, можеби само егзибицијата „Кујонг класик“.