Српскиот тенисер Новак Ѓоковиќ и Австралиецот Ник Кирјос се елиминирани во второто коло во конкуренција на двојки на турнирот во Бризбејн по големата борба против Никола Мектиќ и Мајкл Венус.

Хрватско-новозеландскиот пар, како први носители на турнирот во Австралија, славеа во мечот со 6:2, 3:6, 10:8.

Четворицата тенисери го покажаа врвниот квалитет на играта, навивачите можеа да уживаат во мечот, а на крајот ги наградија тенисерите со голем аплауз.

Ѓоковиќ и Кирјос беа на дофат на големо изненадување, откако во супертајбрејкот имаа предност од 8:6, но повеќе грешеа и нивните ривали победија.

Најдобриот светски тенисер на сите времиња Ѓоковиќ го продолжува учеството на турнејата во Бризбејн во сингл конкуренција, каде следен ривал му е Французинот Гаел Монфис.