Српскиот тенисер Новак Ѓоковиќ избори пласман во четвртфиналето на Мастерсот во Шангај, совладувајќи го Хауме Мунар со 2-1 во сетови, и при тоа урна рекорд на Роџер Федерер.

По голема борба на теренот, Ѓоковиќ славеше со 6-3, 5-7 и 6-2, обезбедувајќи место меѓу најдобрите осум на турнирот. Со оваа победа, тој стана највозрасниот тенисер во историјата кој успеал да стигне до четвртфинале на АТП Мастерс 1000 турнир.

Ѓоковиќ го постигна овој успех на 38 години и 133 дена, надминувајќи го рекордот што досега го држеше швајцарската легенда Роџер Федерер, кој во 2019 година стигна до истата фаза на 38 години и 60 дена.

Преземено од: Спорт.ком.мк