Најдобриот светски тенисер Новак Ѓоковиќ по тренингот одржан на терените на СЦ Новак, во Дорчол, зборуваше пред медиумите.

Српскиот ас зборуваше за различни теми кои се однесуваат на рекорди, амбиции, најголеми ривали и повредата која најверојатно е веќе минато.

– Благодарам за честитките, секако дека сум исклучително горд што успеав да стигнам до уште еден рекорд, во случајов Штефи Граф откако се бројат ВТА и АТП листата. Овој спорт ми е сè во животот, сè му подредив, околу мене имам одличен тим од луѓе, не само професионални, туку и моето семејство кои ми дава безрезервна поддршка – вели Ѓоковиќ.

На прашањето каде би сакал да се одигра 60 јубилеен меч со Рафаел Надал, еве што одговори Ноле:

– Финалето на Ролан Гарос, мислам дека и јас и тој би се согласиле со тоа. Тој е дефинитивно мојот најголем ривал, тоа е ривалството што брои најмногу мечеви до сега во тенисот. Второ, и дека сме генерациски блиски, заедно растевме во јуниорските години, многу порано почна да бележи одлични резултати на професионален план. Заедно со Рожер Федерер најмногу ме обликуваше како тенисер, ме победија на почетокот на кариерата, морав да одлучам како да ги победам. Бев во Топ 3, но не успеав да ја пробијам таа бариера и да освојам грен слем трофеи и да бидам број 1 – се зборовите на Ѓоковиќ.

Потсетување дека „Ролан Гарос“ во Париз ќе се одржи од 28 мај до 11 јуни 2023 година.