Незнаев дека се таму, изјави Хуан Родригез (39) пред полицајците, откако ги оставил своите две деца близначиња во врел автомобил осум часа.

Едногодишните Феникс и Марица, близнаци, биле на задното седиште од неговиот автомобил пред болницата каде Родригез работел како социјален работник.

Автомобилот го оставил во 8 часот а се вратил во 16 часот.

Дури кога тргнал, сфатил дека близнаците се во автомобилот. Излегол и почнал да вреска. Лекарите не можеле ништо да направат.

Полицијата го привела таткото со обвинение за смртта на двете деца кои неодамна го прославиле првиот роденден.

„Ова е голем шок за нас. Неодамна имаа забава во градината во која го славеа нивниот роденден. Имаат и четиригодишен син. Никогаш не сум забележал дека ги занемаруваат децата ниту дека ги пуштаат сами надвор без надзор. Беа добри родители. Како сега да живеат со ова?“ – раскажа неговиот комшија за Њујорк Тајмс.

Во Америка секоја година во просек умираат 38 деца кои на топло се заборавени во автомобил.

„Рајот доби два ангели. Таткото? Нека го фрлат во затвор веднаш!“ – додаде другиот комшија.