Животот на еден човек од Сан Франциско,САД се превртел наопаку – и сè тоа се должело на здодевноста. Рухи Зејдан решил да купи инстант лоз за да „убие време“ и „малку да се забавува“, но не знаел дека неговата одлука ќе се претвори во добивка од 2 милиони долари, пишуваат странските медиуми.

Според Калифорниската лотарија, Зејдан купил инстан лоз за 20 долари во продавница за тутун во близина на плоштадот Јунион. На многумина им е смешно што продавницата се наоѓа веднаш спроти кафето „Гуд лак“ (Среќно).

„Го прочитав бројот двапати и бев убеден дека освоив 2.000 долари“, рекол тој.

Но, откако повторно го погледна листот хартија, забележа нешто чудно – имаше премногу нули.

„Почнав да ги бројам – една по една. Потоа бев навистина шокиран. Имаше шест, а не три“, додал тој.

Тоа значело само едно – тој ја освоил главната награда од 2 милиони долари. Откако се соземал, Зејдан им испратил порака на своите деца.

„Им напишав сè и тие рекоа: ‘Кој го освои тоа, ти?’ Јас реков: ‘Да!’“, се присетил тој на моментот со насмевка и призна дека до последниот момент тешко му се верувало во својата среќа.

Зејдан рече дека ќе ги искористи парите за да ја отплати хипотеката и додаде дека неочекуваната победа му донела душевен мир.