Во инцидент кој се случил во библиотека во германскиот град Диселдорф, денеска жена тешко ранила 17-годишно момче, по што е уапсена, јави ВДР.

Тинејџерот, кој претрпел сериозни повреди, бил однесен во болница, додека неговиот пријател е полесно повреден и лекарите му укажале помош на местото на настанот. Според последните информации, тешко ранетото момче е надвор од животна опасност.

Според полицискиот извештај, на инцидентот му претходела расправија меѓу жената и тинејџерите во библиотеката. Полицијата ја одвела осомничената во психијатриска установа за понатамошна евалуација.

Истрагата за точниот мотив за нападот е во тек.