Американскиот тенисер Тејлор Фриц е елиминиран во второто коло на Ролан Гарос, откако загуби од Германецот Даниел Алтмајер со 3-1 во сетови (7-5, 3-6, 6-3, 6-1) по два часа и 43 минути борба на теренот.

Клучниот момент се случи на крајот од првиот сет, кога при резултат 5-4, Фриц имаше брејк шанса која не успеа да ја искористи. Само неколку поени подоцна, Алтмајер направи брејк и го освои сетот, што во голема мера го одреди текот на натпреварот.

Фриц успеа да се врати во вториот сет и да израмни на 1-1, иако Алтмајер имаше шанса да го отвори сетот со брејк. Сепак, тоа беше само краткотрајна реакција од Американецот, кој потоа не покажа премногу. Германецот не дозволи ниту еден брејк во следните два сета, а четвртиот го заврши за само 30 минути со три направени брејка, казнувајќи го индиспонираниот Фриц.

Алтмајер во третото коло ќе игра против Ческиот тенисер Вит Коприва. Инаку Алтмајер во овој момент е 66. светски тенисер.