Претседателот на Бугарија, Румен Радев му го предаде мандатот за состав на бугарска влада на Даниел Митов од ГЕРБ, партијата која е втора по големина според претставниците во националното собрание. Но, како што беше и претходно најавено, Митов веднаш му го врати мандатот на Радев, пренесува БГНЕС.

„За жал, не гледаме можност тој да се реализира. Нашиот став е дека вториот мандат не е реализиран и да продолжиме со уставната процедура. Радев одговори дека се заблагодарува за олеснувањето“ вели Митов.

Во Бугарија има техничка влада која ја формираше Радев по изборите во април годинава, откако ниту една партија не успеа да формира влада. И покрај тоа што беа закажани уште едни, вонредни, парламентарни избори, на 11 јули, во Бугарија ниту една партија сè уште не може да се формира влада.

Првиот мандат за состав на влада беше доделен на победникот на минатомесечните избори „Има таков народ” (ИТН) на шоуменот Слави Трифонов, но тие соопштија дека немаат намера да формираат влада. Согласно Уставот, Радев денеска го додели мандатот на ГЕРБ на Бојко Борисов, но и тие рекоа дека не можат да состават влада бидејќи го немаат потребното мнозинство.

Третиот мандат ќе биде доделен на Бугарската социјалистичка партија (БСП), чија претседателка Корнелија Нинова претходно најави дека ќе се обидат да формираат влада и по добивањето на мандатот ќе почнат консултации „Демократска Бугарија” и „Исправи се Бугаријо! Ние доаѓаме”, бидејќи со трите партии имаат заеднички основа на која може да ги дефинираат приоритетите и политиките на новата власт. Но, таа вели и дека БСП не се откажала од идејата техничкиот владин кабинет да стане редовна влада.

Пропадна обидот на ИТН за состав на владин кабинет во Бугарија, наесен најверојатно нови избори