Нов голем успех за македонскиот таеквондист Дејан Георгиевски во обидот што поскоро добие норма за учество на следните Летни олимписки игри во Париз во 2024 година.

После сребрениот медал на Г2 Президент Светскиот куп во Драч (Албанија), нашиот натпреварувач освои уште едно сребро овојпат на деветтиот турнир „Рамус Софија Опен“, Светски турнир од серијата „Г2“ во Софија, Бугарија.

Во категоријата +87 кг. во четвртфиналето Георгиевски го совлада Србинот Михајло Радаловиќ 19:5.

Потоа, во полуфиналето исто така беше убедлив со 14:4 елиминирајќи го Гисберт Касанова од Шпанија, а во финалната битка за противник имаше уште еден Шпанец.

Во битката златото нашиот таеквондист загуби со 12:7 од Гарсија Мартинез. Треба да се напомене дека на почетокот од борбата Дејан се здоби со повреда која за среќа не е толку сериозна.

И покрај поразот Георгиевски освојува нови значајни бодови (вкупно 13) во трката за Париз 2024.