Дербито од 21 коло на македонската ракометна Суперлига во Охрид донесе голема неизвесност и победа за Вардар 26:27 (16:11) против домаќинот по спектакуларен пресврт.

Играчите на Охрид водеа со 23:17 на средината на вториот дел, домаќините поведоа со 26:22 во 52. минута, но тоа беше последниот гол на тимот на на Стевче Алушевски.

Гостинската екипа направи серија од 5:0 и успеа да ја зачува предноста во последниот напад.

На табелата Вардар останува во игра за титулата, моментно е на првото место со 38 бодови, колку што има и Еурофарм Пелистер на втората позиција, а третопласиран е Алкалоид со 36 кој има и меч помалку.

– Беше еден тежок натпревар, очекувавме така да биде. Екипата на Охрид е квалитетна, од меч во меч покажува дека се работи за добар тим. Мислам дека Охрид повеќе ја заслужи победата, водеше во текот на целиот натпревар, но знаете во спортот има и вакви мечеви каде што играш слабо и на крајот победуваш, овие победи на некој начин се слатки. Овој натпревар ќе ни биде добра лекција за она што ни претстои во плеј-офот, дека не треба да влеземе вака во мечот, да му препуштиме на противникот да ја диктира играта и на крајот да се спасуваме за победа – рече десното крило на Вардар Гоце Георгиевски по мечот со Охрид.