Генерацијата Зет, односно оние кои се родени меѓу 1996 и 2012 година, не е многу заинтересирана за секс.

Некои претходни истражувања веќе покажаа дека нивните ставови за овие прашања се поконзервативни од ставовите на нивните родители, а една нова студија, спроведена од престижниот Калифорниски универзитет (Лос Анџелес)‎, покажа дека денешните млади американски гледачи не претпочитаат сцени со секс во филмовите и сериите што ги гледаат на малиот екран.

Според „Холивуд репортер“, истражувањето било спроведено на примерок од 1.500 испитаници на возраст од 10 до 24 години. Мало мнозинство, 51 отсто од нив, изјавиле дека повеќе сакаат да гледаат содржини за платонски врски и пријателства. Дури 47,5 отсто рекле дека сексот „не е неопходен“ за повеќето телевизиски серии и филмови, а 44 отсто од нив сметаат дека романтиката е „претерано искористена“ во приказните. Исто така, 44 проценти рекле дека се согласуваат со изјавата дека „попрво би го исчистиле тоалетот“ отколку да одат на онлајн состанок.

Можеби најизненадувачкото откритие е дека мнозинството од анкетираните (56 проценти) претпочитаат да гледаат оригинални приказни наместо франшизи, адаптации и преработки, така што тоа е барем едно нешто што им е заедничко со постарите гледачи. Исто така, расните стереотипи на екранот се крајно одбивни за нив.

Генерацијата Зет ги смета социјалните медиуми за „автентични медиуми“, а ТикТок се смета за најавтентична платформа, иако, како што „Холвуд репортер“ го наведе извештајот, неговата функција за пребарување дава многу повеќе дезинформации од, на пример, Гугл.

Студијата доаѓа откако комедијата на Џенифер Лоренс,„No Hard Feelings“, почна да се емитува на филмската платформа Нетфликс и предизвика дебата на социјалните медуми за голата сцена на оскаровката актерка.