Дијана Иваноска со својот талент за комбинација на вкусови нè носи на едно исклучително гастрономско патување. Иваноска стои зад инстаграм-профилот „Dash of Spice“ и ни ги открива малите тајни за создавање магија од вкусови. Своите рецепти почнала да ги споделува со своите следбеници и пријатели од почетокот на пандемијата.

„Го сакам секој дел од процесот, но најмногу уживам во фотографирањето на храната“, ни открива Дијана.

Инвентивната Дијана денеска споделува рецепт за едно гастрономско уживање – тарт со кајсии и франџипане.

– Крцкавата путерна кора, кремот со бадеми и кајсиите го прават овој тарт вистинско летно уживање. Кората може да ја направи од вечер и да се лади во фрижидер преку ноќ за да ја скратите подготовката – вели Дијана.

Потребни состојки:

За кората:

– 100 г путер на собна температура
– 50 г шеќер во прав
– 1 јајце
– 40 г бадемово брашно
– 200 г брашно
– прстофат сол

За кремот франџипане:

– 150 г путер на собна температура
– 100 г шеќер
– 1 лажиче ванила екстракт
– 3 јајца
– 150 г бадемово брашно

Топинзи:

– 6 мали праски
– 20 г ливчиња бадем (опционално)
– шеќер во прав за посипување

Подготовка:

* Изматете ги путерот и шеќерот во прав. Додајте го јајцето и изматете да се изедначи. Ставете ги брашната и ванилата и оформете тесто.
* Развлечете го тестото меѓу два листа хартија за печење, на околу 4-5 мм и ставете го во фрижидер на минимум еден час.
* Обложете го калапот за тарт со тестото и со виљушка избоцкајте го тестото на дното на калапот.
* Вратете го во фрижидер на уште еден час.
* Загрејте ја рерната на 160 степени Целзиусови.
* Печете ја кората околу 15 минути.

За тоа време подгответе го кремот.

* Изматете ги путерот и шеќерот.
* Додадете ги јајцата и ванилата.
* На крај измешајте го бадемовото брашно во смесата.
* Нанесете го кремот врз кората.
* Одозгора наредете ги кришките кајсии и листовите бадем.
* Печете на истата температура околу 40- 45 минути.
* Наросете шеќер во прав.

Уживајте!