По медиумските објави за наводните тешкотии на патници од автобус на агенцијата „Ганиќ Ексклузив“ при враќање од Истанбул, со соопштение се огласи самата агенција, оценувајќи дека информациите биле неточно претставени и создале непотребна негативна слика за компанијата, објави Скопје инфо.

„Дефектот, кој настана, беше технички и брзо беше надминат. Имаме и видеа и фотографии кои покажуваат дека патниците веднаш по санирањето на проблемот продолжија со патувањето, расположени, насмеани, дури и со музика и со забава во автобусите“, се вели во реакцијата на агенцијата.

Агенцијата додава дека нејзината цел не е конфронтација, туку вистинито информирање на јавноста.

„Сметаме дека е важно јавноста да ја добие вистинската слика, па затоа Ви ги ставаме на располагање сите докази,“ велат од „Ганиќ Ексклузив“ за Скопје инфо.

ВИДЕО | Хорор во автобус со македонски туристи што се враќале од Истанбул – возилото се прегревало, деца повраќале, патниците гладни и очајни