Еден од најважните фудбалери на Арсенал, Букајо Сака ќе биде подолг период надвор од терените.

Како што изјави менаџерот на Арсенал, Микел Артета, најдобриот играч на тимот Букајо Сака ќе биде надвор од терените најмалку два месеци по операцијата на која неодамна беше подложен.

– Беше опериран, сѐ помина добро, но за жал ќе отсуствува многу, многу недели – изјави Артета.

Сака е најпродуктивниот играч на тимот со девет гола и 13 асистенции во сите натпреварувања.

– Кога велам многу недели, мислам дека ќе бидат повеќе од два месеци. Не знам точно колку. Многу ќе зависи од тоа како ќе поминува опоравувањето, ќе биде многу појасно во првата недела. Ќе видиме, тешко е сега да се даваат прогнози – рече Артета.

Арсенал во следните две недели ќе одигра дури пет натпревари, од кои два на гости и три дома, од кои четири се во рамките на Премиер лигата и еден во Купот.