Фронтменот на Металика се разведува по 25 години брак
Фронтменот на „Металика“ Џејмс Алан Хетфилд се разведува по 25 години брак. Тој претходно оваа година поднел барање за развод од сопругата Франческа Хетфилд, пренесуваат американските медиуми.
Препорачано
Џејмс и Франческа се венчаа на 17 август 1997 година, а музичарот често истакнуваше дека неговата сопруга била негова најголема поддршка во тешките моменти, вклучувајќи ги и битките со зависноста. Заедно имаат три деца.
View this post on Instagram
Во подкаст во 2016 година, тој рече дека неговата сопруга во еден момент го избркала од куќата поради неговата зависност.
„Мојата сопруга ја направи вистинската работа, ме избрка од дома и тоа ме исплаши до смрт. Таа рече „еј, нема да одиш сега само кај терапевт да зборуваш за ова, туку мораш да одиш некаде и да го решиш ова срање“, така и направив“, рече тој.
Музичарот сè уште не ги коментирал написите за развод.
