Францускиот режисер Кристоф Руџа (60) денеска беше осуден на четири години затвор, од кои две условно, поради сексуално злоставување на актерката Адел Хенел кога таа била малолетна, пренесуваат странските медиуми.

Еден од адвокатите на директорот веднаш по пресудата изјави дека ќе биде поднесена жалба. Адел Хенел, која сега има 35 години, видно нервозна пред пресудата не реагирала на објавувањето на пресудата. На пресудата не реагирал ниту Руџа кој избегнуваше да ја погледне Адел во судницата.

Кривичниот суд му наложи на режисерот да ѝ плати на актерката 15.000 евра морална отштета како и 20.000 евра за нејзиниот долгогодишен надзор од психолог.

Обвинителството на 10 декември побара затворска казна од пет години за режисерот, кој негираше дека ја нападнал Хенел во периодот кога имала 12 – 14 години.

Во ноември 2019 година, актерката изјави дека режисерот имал несоодветно однесување кон неа за време на снимањето на филмот „Les Diables“ (Ѓаволи). Хенел тогаш имала само 13 години.

Актерката тогаш изјави дека за време на подготовката и снимањето режисерот сексуално ја вознемирувал така што постојано ја допирал и насилно ја бакнувал во вратот. Сето тоа се случувало во неговиот дом и за време на разни меѓународни фестивали.

Инаку, Кристоф Руџа има снимено неколку филмови, меѓу кои „Ѓаволи“ (2002) и „Во превирањата“ (2011).