Денеска во финалето на Светското ракометно првенство во женска сениорска конкуренција во Шпанија, репрезентацијата на Норвешка со 29:22 ја совладаа Франција.

На теренот во Гранољерс по првото полувреме не се најавуваше дека Норвешка на крајот ќе дојде до трофејот. Франција беше таа која доминираше во првите 30 минути, трипати имаше и позитива од шест голови разлика (14:8, 15:9, 16:10).

Следуваше друга слика на паркетот, верувале или не француската репрезентација го одигра можеби најслабото второ полувреме на овој шампионат, постигнувајќи само шест голови.

Норвешката селекција одигра многу подобро, најпрвин направи серија од 7:2 и преземање на водството. При 20:19, следуваше нова фуриозна серија на Норвешка од 6:1 за 26:20 и тука веќе се решија сите дилеми околу шампионот.

Најефикасна во победничките редови беше Реистад со шест голови, по пет имаа Мерк, Офтедал Бредал и Дале Братсет, а на спротивната страна четири погодоци запиша Пино.

The #Spain2021 champions ?⭐?#sheloveshandball pic.twitter.com/tSmzdnz3Qh

— International Handball Federation (@ihf_info) December 19, 2021

На тој начин Норвежанките се израмнија со Русинките на врвот на вечната листа по бројот на светски титули, по четири. За Французинките ова е четврто сребро во нивната историја, истиот успех го имаа уште 1999, 2009 и 2011 година.

Следниот Мундијал ќе се одржи за две години во три скандинавски држави, Данска, Норвешка и Шведска.

Данска го освои бронзениот медал на Светското ракометно првенство