Елејн Дејвидсон (56), која живее во Единбург, својот прв пирс го ставила во 1997 година и оттогаш не престанала да го буши своето тело и лице до денес. Таа го држи Гинисовиот рекорд за жена со најмногу пирсови, достигнувајќи 11.003 пирса во јануари 2019 година.

Пирсови има на речиси секој дел од телото, вклучувајќи ги челото, брадата, градите, рацете, па дури и на интимните зони. Иако обетките ја прават доволно необична, Елејн ужива да го менува накитот, да се шминка впечатливо и да носи пердуви во косата.

Оваа поранешна медицинска сестра родена во Бразил, првпат го собори рекордот во мај 2000 година, кога официјален претставник на Гинисовата книга на рекорди ја прегледал и пронашол 462 пирсинзи на нејзиното тело, од кои 192 на лицето. Рекордерката инсистира на тоа дека дупчењето на кожата не боли и дека може удобно да спие со сиот накит што го носи.

Иако многумина сметаат дека ваквиот стил е болен, таа инсистира дека може удобно да спие со сиот накит. Сепак, во 2009 година откри дека всушност не ужива да става пирсинзи, туку едноставно тоа го прави за да може да ја задржи својата титула.

„Не уживам во тоа, но за да го задржам, односно да го соборам рекордот морам да продолжам. Моето семејство не сака тетоважи ниту пирсинг“, изјавила Елејн тогаш.

Покрај својот уникатен изглед, Елејн е позната и по други екстремни активности. Таа може да спие на клинци, да оди по стакло и огнени површини. Има црн појас во џудо, ужива во нуркање, јавање и други авантуристички спортови.

Елејн сериозно ја сфаќа својата улога како рекордерка. Таа ја смета за одговорност и обврска, што е една од причините зошто никогаш не пие алкохол, не пуши и не користи дрога – сака да биде целосно фокусирана на сè што прави.