Со своето појавување на годинашното издание на Оскарите, Ријана уште еднаш докажа дека е модна икона кога станува збор за модните комбинации за трудници.

Пејачката се појави во црн кожен фустан на брендот „Алаја“ и гордо го покажа својот труднички стомак на шампањ тепихот пред доделувањето на филмските награди.

Што се однесува до фризурата и шминката, таа се одлучи за висока пунџа и впечатлив црвен кармин. Ријана ја дополни својата комбинација со чевли од брендот „Џузепе Заноти“ и дијамантски обетки и прстен од брендот „Мусаиф“.

Имено, Ријана беше номинирана во категоријата за најдобра оригинална песна, за нејзината изведба на песната „Lift Me Up“ од филмот „Black Panther: Wakanda Forever“. Ова е нејзина прва номинација за Оскар.

Како и сите номинирани во оваа категорија, така и таа ја изведе својата песна за време на свеченоста, облечена во проѕирна комбинација со светкави детали.