На настапот на Светлана Цеца Ражнатовиќ во Дубаи, српските медиуми и покрај строгото обезбедување успеале да ја снимат најбогатата Србинка, милијардерката Александра Сандра Мељниченко.

Сандра се опуштала во друштво на пријатели, скриена под капа и качулка, а во сепарето била во друштво на својата богата пријателка Јелена бин Драи, која е во брак со шеик. Ниту една од нив не била премногу впечатлива, тие повеќето време го поминале седејќи и разговарајќи една со друга, отколку да танцуваат или да се истакнуваат.

Меѓутоа во моментот кога се слушнале тактовите на песната „Заборави“, и двете станале, а екипата српски „Телеграф“ во тој момент успеала да ги сними.

Она што привлекло посебно внимание е лежерниот, но исклучително ефектен стајлинг на Сандра. Таа носела бела кошула со качулка и широки сини фармерки кои биле набрани на дното и со големи изрези од страните, откривајќи ѝ ги нозете и истакнувајќи ја нејзината прекрасна фигура.

Еден детаљ што го забележале сите е дека комбинацијата ја комплетирала со капа со буквата „А“, додавајќи лежерен, но тренди шмек на својот изглед. Сандра и во опуштен стајлинг покажала дека времето како да застанало за неа, зрачи со едноставна елеганција и препознатлив стил.

Инаку, ова е прва снимка на Сандра Мељниченко која ја снимија српските медиуми по долги години, а колку е тешко да се сними убавата Сандра, докажува и фактот што дури и светските медиуми тешко можат да ја „уловат“.

Да потсетиме, Сандра Мељниченко во 2005 година се омажи за рускиот милијардер Андреј Мељниченко.

Двојката се венча на 3 септември 2005 година на луксузен имот во Антиб на Азурниот брег, а на церемонијата присуствувале најпознатите светски шоубизнис имиња. Гостите уживале во настапите на Енрико Иглесијас, Витни Хјустон и Кристина Агилера, а како што објавија медиумите, рускиот милијардер на венчавката потрошил околу три милиони фунти.

Сандра и Андреј Мељниченко имаат две деца, ќерката Тара и синот Адријан, кои се обидуваат да ги заштитат од очите на јавноста.

Фотографиите од Александра на концертот на Цеца можете да ги погледнете ТУКА.

Инаку, Александра, позната и како Сандра, е добра пријателка на хрватската пејачка Нина Бадриќ.

 

View this post on Instagram

 

A post shared by Nina Badrić (@badrich)

ФОТО | Јахтата што ја запленија Италијанците ѝ припаѓа на најбогатата Србинка: Која е Сандра Мељниченко?