Хаос и безредие со години владее на паркингот на Клиничкиот центар во Скопје. Паркинзите се премали за да ги соберат сите возила, па паркира кој каде ќе стигне, а таква е сликата и денеска. Автомобили остануваат заглавени и не можат да излезат од округот на Клинички, а парализиран е и сообраќајот на „Водњанска“.

Министерот за здравство, Арбен Таравари, минатата недела изјави дека Владата донела одлука со јавно-приватно партнерство во кругот на Клиничкиот центар во Скопје да се изградат две монтажни катни гаражи за да се надмине проблемот со паркирањето. За ова, вели тој, е изработена физибилити студија и ќе се обезбедат тројно повеќе места за паркирање.