Дискотеката „Детур“ е ноќен клуб на врв на планина, кој носи добра музика во оддалечените и убави делови на светот. Во 2022 година накратко беше отворен во малото рибарско село Тингери на Исланд, оваа година гостуваше на островот Кол во Шкотска, а во 2024 година ќе се „искачи“ на врвот на швајцарските Алпи.

Дискотеката „Детур“ ќе биде отворена од 10 до 12 мај 2024 година во долината Лаутербрунен, која изгледа како позадина на романтичен филм – опкружена со високи планински врвови, бројни водопади и зеленило.

На три планински локации ќе свири возбудливиот музички проект на диџејот и новинар Џони Енсал. На 10 мај 2024 година забавата ќе се одржи на огромна тераса во близина на планинскиот врв Бирг, кој се издига на 2.684 метри надморска височина.

Еден ден подоцна, ќе биде отворена дискотека на врвот на Шилторн во ресторанот „Пиц Глориа“, кој се издига на 2.970 метри, со што ќе стане највисокиот ноќен клуб во Европа, пишува магазинот „Мирор“.

Тоа е место со спектакуларен поглед што е добро познато меѓу љубителите на серијалот за Џејмс Бонд, бидејќи тука е снимен филмот „На служба на нејзиното височество“ од 1969 година.

Дискотека ја заокружува швајцарската авантура во Тринкхал ам Клајнен Руген во Интерлакен со опуштена сесија.

Билетот за тридневниот настан може да се купи по цена од околу 313 евра на официјалната веб-страница на Дискотеката Детур, а вклучува пропусници за жичарницата, со што полесно ќе се стигне до највисоката дискотека во Европа.