Праисторискиот накит изработен од камен и вулканско стакло пронајден во Трција, го претставува најстариот јасен доказ за пирсинг на телото што е откриен досега.

Обетките за уста и уши се верува дека се стари 11.000 години, како и дека се дел од симболичната трансформација на едно момче во маж, пишува „ИФЛ саенс“.

Претходните истражувања покажаа дека пирсингот се користел пред 12.000 години, но ова се првите пирсеви што се пронајдени на телата на покојниците.

Инаку, сите предмети се пронајдени во гробовите на локалитетот Бончуклу Тарла од каменото доба. За разлика од другите слични праисториски артефакти, овие се пронајдени околу ушите и устата на скелетите закопани на местото, што укажува дека тие дефинитивно биле користени како пирсеви.

„Знаеме за накит како што се обетките од неолитот, го имавме на многу локалитети. Но, немавме откритие што ги потврдува телесните обетки пред доцниот неолит“, изјави д-р Ема Бајсал, автор на студијата и професор по праисторија на Универзитетот во Анкара.

Научниците забележуваат дека украсите пронајдени на локалитетот во Мала Азија ги има само во гробовите на возрасните, не и на децата. Ова е причината зошто тие веруваат дека ставањето пирс бил симбол на созревањето.

Студијата во која се наведени сите податоци за ископувањето е објавена во списанието „Антиквити“.