Српскиот тенисер Новак Ѓоковиќ и неговата сопруга Јелена се големи обожаватели на пејачот Жељко Самарџиќ и ниту една нивна прослава не може да помине без песните на „стариот лав“.

Јелена е редовен гостин на неговите концерти во Белград, а не го пропуштила и вчерашниот во двораната „Ем-те-ес“.

Заедно го бројните обожаватели во салата, таа уживала во најубавите хитови на Самарџиќ и во еден момент дури се качила на сцената и им се придружила на придружните вокали додека Самарџиќ ја изведувал песната „Кафанска певачица“.

Според снимките објавени на социјалните мрежи, овој спонтан момент наишол на голем аплауз од страна на публиката.

„Колку го сакам овој прекрасен човек. Ова е мојата омилена песна и ми беше привилегија да бидам придружен вокал во преполната дворана „Ем-те-ес“! Секогаш прекрасна енергија, радост и љубов“, напиша Јелена на Инстаграм.

 

View this post on Instagram

 

A post shared by Jelena Djokovic (@jelenadjokovicndf)

Жељко Самарџиќ ѝ се заблагодари на Јелена за убавите зборови со коментар на објавата.

„Ми беше задоволство, драга Јелена. Голем поздрав до моите драги Ѓоковиќ“, ѝ напиша пејачот.

Исто така, тој и неговата ќерка Миња Самарџиќ споделија неколку заеднички фотографии со Јелена по завршувањето на концертот.