Французинот Оливие Жиру беше главниот актер на неверојатните сцени од фудбалскиот натпревар во Џенова кога мораше да застане на голот на Милан и славниот клуб денеска го додаде напаѓачот на листата на голмани на својата официјална веб-страница.

Речиси е распродаден голманскиот дрес во официјалната продавница на Милан, што е доволен доказ за лудилото кое го предизвика искусниот Французин.

– Оливие Жиру стана дел од историјата на Милан со храбрата одбрана на голот на Милан во последните минути од натпреварот на Росонерите против Џенова. Клубот реши да ја почести неговата игра во последната одбранбена линија ставајќи го на листата на голмани. Освен тоа, навивачите сега можат да купат голмански дрес со натпис „Жиру 9“ – соопшти Милан.

Жиру стана глобална ѕвезда откако напаѓачот се истакна на голот во победата од 1:0 против Џенова во саботата во Серија А.

Голманот на Милан, Мајк Маињан доби црвен картон доцна во судиското надополнување, а Жиру го зазеде неговото место за да направи брилијантна одбрана непосредно пред последниот судиски свиреж.

MILAN RELEASES GIROUD GOALKEEPER SHIRT which has already SOLD OUT. This after French striker heroically jumped in net to see out Saturday's 1-0 win at Genoa. ?❤️? pic.twitter.com/Zoib8CLtRJ

— Men in Blazers (@MenInBlazers) October 9, 2023