Актерката Деми Мур уште еднаш го привлече вниманието со изглед кој им пркоси на нејзините години, овој пат појавувајќи се на забавата на „Долче и Габана“ во Милано.

Имено, Деми беше една од многуте гости кои пристигнаа на прославата на 40-годишнината на луксузнит бренд во Милано. На 61-годишната актерка на отворањето на изложбата на брендот ѝ се придружија познати дами како Рози Хантингтон-Вајтли, Шер, Хелен Мирен и Лили Џејмс.

За оваа пригода актерката облече проѕирен мрежест фустан кој беше покриен со светки и ја истакна нејзината витка фигура. Под ова парче облека таа носеше само црна долна облека, а косата и беше пуштена преку рамениците. Изгледот го комплетираше со црни сандали на потпетици.

Актерката постојано го привлекува вниманието со младешкиот изглед кој ги демантира нејзините години, а поради нејзиното појавување на Фешн авордс – настан кој го нарекуваат модни Оскари, на крајот на минатата година, медиумите напишаа дека всушност изгледа подобро сега отколку пред 10 години.

Инаку, изложбата на која присуствуваше Деми го прикажа креативниот процес на италијанското модно дуо Доменика Долче и Стефано Габана, давајќи ѝ на јавноста увид во тоа како некои од иконските парчиња на брендот преминаа од идеи во главите на дизајнерот до креации на писти или носени на црвениот тепих од ѕвезди како што е актерката.

ВИДЕО | Ќерката на Брус Вилис откри дека ѝ e дијагностициран аутизам: Во минатото се бореше со повеќе ментални нарушувања