Во квалификациите за пласман на Светското првенство во 2026 година ремизираа 0:0 фудбалските репрезентации на Албанија и Србија на „Ел Албанија“ стадионот во Тирана.

Србија беше супериорен противник на почетокот, имаше можеби 90% посед на топката во првите пет минути, а првата закана дојде од Живковиќ во петтата минута кога се обиде да шутира кон голот на Стракоша од првиот обид, кој ја испрати топката во корнер.

Во осмата минута, српскиот репрезентативец Саша Лукиќ беше удрен во главата од публиката што беше близу до корнер знаменцето, сè се случи додека тој го изведуваше корнерот, па имаше двеминутен прекин. Албанците прво се заканија преку Митај, кој шутираше од околу 20 метри, а Петровиќ само ја одби топката во шеснаесетникот.

Српските играчи изгледаа смирено, без нервоза или паника, играа трпеливо, што е веројатно најдобриот начин во Тирана, особено кога имате противник кој е полн со адреналин. Проблемот за српската репрезентација беше раниот жолт картон на Страхиња Павловиќ, но Џимшити возврати на спротивната страна. Влаховиќ шутираше од слободен удар во 19 минута, а потоа имаше слаб обид за лоб од напаѓачот на Србија.

Албанците ја бараа шансата од прекини, имаа неколку закани од Албанците пред паузата, но без посериозна шанса. Пред крајот на првиот дел италијанскиот судија Давиде Маса покажа на белата точка, Албанија можеше да поведе пред крајот од првото полувреме по прекршокот на Самарџиќ, но српскиот голман Петровиќ го одбрани пеналот кој го шутираше Манај.

На почетокот од второто полувреме, одлична шанса за Србија, најдобрата до тој момент. По фантастичниот центаршут на Терзиќ од левата страна, Митровиќ ја испрати топката со глава во корнер, но Стракош имаше чудесна одбрана.

Во 57 минута, уште една шанса за Србија, Лазар Самарџиќ се сврте кон голот, го одзеде Шеху, шутираше и топката заврши покрај десната статива.

И потоа во 60 минута, Ераковиќ се најде на земја откако беа фрлени предмети на теренот. Наместо да ги смират своите навивачи, албанските играчи се обидоа да влезат во конфликт со српскиот играчи, кои не попуштија.

Не беше поинаку ни во 65 минута кога беше погоден Живковиќ, па мечот беше на работ на прекин. Судијата Маса ги повика капитените на двете репреентации, разговараше со нив, особено со Џимшити, а прекинот траеше цели две минути.

На Албанците им беше попогодно да се вратат по иницијативата на Србите, а Бајрами имаше добра шанса во 73 минута.

Србија имаше уште една полушанса по центаршутот на Влаховиќ и ударот со глава на Александар Митровиќ, но топката помина над голот. Ветувачка шанса се појави по додавањето на Лука Јовиќ до Митровиќ, а Влаховиќ потоа му врати додавање на Јовиќ, кој беше блокиран.

До крајот немаше големи возбудувања, па Албанија и Србија ги поделија бодовите.