Македонската фудбалска репрезентација ги продолжува подготовките за двата клучни октомвриски натпревари против Белгија и Казахстан, кои може да бидат пресудни во обидот да се исполни големиот сон – пласман на Светско првенство.

Првиот предизвик е воедно и најтешкиот – гостување кај Белгија во Гент, каде домаќинот ќе ја има фаворитската улога. Но, избраниците на селекторот Благоја Милевски веќе докажаа дека знаат како да им парираат и на најсилните. Силната Белгија беше задржана на реми во Скопје, и токму тој резултат е доказ дека и ова гостување не е невозможна мисија.