Подводните скулптури кои носат силна порака може да се најдат недалеку од крајбрежниот град Таунсвил, на северо-источниот брег на Квинсленд, Австралија, а зад нив стои британскиот уметник, скулптор, професионален фотограф и еколошки активист Џејсон деКаирс Тејлор, пишува хрватски „Пункуфер“ (Punkufer).

Ако се нурнете под морските површини на ова место, можете да најдете прекрасни работи, како што е неверојатно убавиот свет на скулптури во Музејот за подводна уметност во Австралија, чија улога е да го поттикнува создавањето на морски свет.

Музејот во кој се влегува со маска за нуркање и пераи, на морското дно има уметнички дела направени од материјал сличен на камен и зајакнати со нерѓосувачки челик. Покрај тоа што се неверојатно убави, скулптурите имаат улога на заштитници на гребенот, бидејќи со текот на времето ќе бидат населени со морски жители.

Скулптурите со заедничко име „Океански чувари“ (Ocean sentinels), веќе се покриени со тенок слој зелени алги, а има и школки од риби и морски ѕвезди. Површината и облиците на уметничките дела се специјално дизајнирани да привлечат нов живот, а со текот на времето коралите и сунѓерите ќе го променат својот изглед.

Бидејќи затоплувањето на морето, кое им се заканува на многу видови, Музејот за подводна уметност во Австралија, ја игра улогата на еколошки управител, поучувајќи ги посетителите како можеме да го продолжиме животот на единствениот дом што го имаме.