Вчера попладнето змија влегла во мензата на студентскиот дом „Стив Наумов“ во населбата Автокоманда во Скопје, објави „Мета“. Редакцијата објави и фотографии кои им ги испратиле студенти сместени во домот, каде се гледа дека змијата е притисната на влезната врата од објектот.

Директорот на Државниот студентски дом Скопје (ДСД Скопје), Виктор Велевски за Мета.мк потврди дека змијата влегла во студентската менза и дека се запознаени со настанот.

Ова не е првпат змија да се појави во овој студентски дом. Поради близината на парк-шумата Гази Баба, во изминативе години во неколку наврати се забележани влекачи во или околу објектите на домот.