Јавен обвинител од Основното јавно обвинителство Кочани го започна увидот по пожарот што ја зафати фабриката „Макпрогрес-Винчини“ во Виница.

-Увидните дејствија ќе продолжат и во следните денови, бидејќи во дел од магацините за суровини и готови производи се уште има жаришта кои тлеат – соопшти Јавното обвинителство.

За заштита на плинската станица, која не беше зафатена од огнот, се поставени противпожарни возила.

Во текот на утрешниот ден на увид ќе биде повикано и вешто лице – електроинжинер.

Дополнително, обезбедени се снимки од видео надзор, а се преземаат и други дејствија за целосно испитување на настанот.

ВИДЕО | Скротен е огнот во фабриката „Винчини“, пожарникари ги изгореле стапалата – чизмите им останале во врелиот шеќер