По неколку недели церемонии и исчекување, започнува големата индиска венчавка за која светот зборува. Анант Амбани е син на Мукеш Амбани, најбогатиот човек во Индија и се жени со Радика Мерчант, ќерка на богат фармацевтски магнат, на тридневна традиционална хинду церемонија во Мумбаи, пренесува „Дејли мејл“.

Меѓу останатите славни личности, сестрите Ким и Клои Кардашијан се гости на екстравагантната венчавка на синот на индискиот милијардер. И двете веќе споделија фотографии од себе и дел од атмосферата на нивните инстаграм-профили.

За венчавката се вложени 600 милиони долари и таа ќе се слави три дена, па сестрите се подготвиле со неколку модни комбинации, од едноставни фустани до традиционални индиски носии. И двајцата имаа бинди на челото – точка во бојата карактеристична за Индијците.

Клои и Ким објавија и видеа на кои се гледа како носат луксузни индиски фустани со дијаманти и скап накит околу вратот и главата.

Потсетуваме, Анант Амбани, најмладиот син на најбогатиот Азиец, се сврши со Радика во декември минатата година. Двојката ќе се венча на хинду церемонија во Светскиот конгресен центар Џио во сопственост на Амбани во Мумбаи, Индија. Меѓу поканетите се поранешните британски премиери Борис Џонсон и Тони Блер, поранешниот американски државен секретар Џон Кери, поранешниот канадски премиер Стивен Харпер и поранешниот шведски премиер Карл Билд.

Се очекува да присуствуваат околу 5.000 луѓе, а сите патишта околу местото се затворени за сообраќај кои не се поврзани со венчавката на синот на најбогатиот човек во Индија и ќерката на богатиот фармацевтски магнат.

Најбогатиот Индиец ги носи Ријана и над илјада гости на предсвадбена забава за својот син