Педесет и двегодишната Аслихан од Калифорнија го сподели своето необично искуство на социјалните мрежи и предизвика големо внимание. Таа ги запрепасти луѓето тврдејќи дека „речиси го убила својот сопруг“, а сето тоа поради романтична фотографија на одмор, објавува „Њузвик“.

Одмор на рајски остров

Сè се случило за време на одмор на рајскиот остров Бора Бора, каде што патувала со својот сопруг, и по укинувањето на ограничувањата поради пандемијата. Во една прилика, додека двојката шетала по плажата, Аслихан забележала прекрасна школка. Ја ставила во раката на својот партнер и направила романтична фотографија. Ја вратиле школката во морето и продолжиле да одат.

Полжавот е опасен поради својот отров

Некое време подоцна, нејзините деца гледале документарец за најопасните морски суштества и таа веднаш се сетила на фотографијата со школката! Ова предизвикало паника во семејството.

Желна да дознае повеќе информации, Аслихан побарала од Четџипити да ја анализира фотографијата и да го идентификува суштеството. Добила одговор дека веројатно станува збор за отровен морски полжав (конусен полжав).

Овие полжави можат да повредат човек откако тој несвесно ќе ги земе во своите раце. Некои видови можат да убијат возрасно лице со својот отров.

Ја објави приказната на социјалните мрежи

Шокирана од откритието, Аслихан ја објави приказната на Редит на 5 август.

„За малку ќе го убиев сопругот. Најдов прекрасна школка во Бора Бора и му ја ставив на дланката за ‘романтична’ фотографија. Подоцна дознавме дека нејзиниот отров може да биде смртоносен“, напишала таа.

Објавата ги заинтригира корисниците, а еден веднаш ја увери жената: „Тоа е полжав ‘митра митра’ и не е отровен“. Друг додаде: „Ова е сигурно предупредување да не се допираат морски суштества“.

Членови на Морското биолошко здружение потврдиле дека навистина станува збор за полжав „митра митра“ и е целосно безопасен за луѓето.

„Дефинитивно ми е срам, но сепак сум лута на себе што потенцијално нè ставив во опасност. Никогаш повеќе нема да земам или допрам непознати морски суштества“, заклучила Аслихан.